ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Գերմանիայի խորհրդարանն օրենք Է ընդունել, որի համաձայն՝ 2016 թվականից խոշորագույն ընկերությունների տնօրենների խորհրդում կանանց բաժինը պետք Է կազմի առնվազն 30 տոկոս:

Այդ օրենքը վերաբերում Է շուրջ 100 առաջատար ձեռնարկությունների, տեղեկացնում Է «Արմենպրես»-ը՝ հղում անելով BBC News-ին: Եվս 3,5 հազար ընկերություններ պարտավոր կլինեն որպես իրենց նպատակներից մեկը ամրագրել կանանց թվի ավելացումը ղեկավար պաշտոններում:

Կառավարող կոալիցիան, որը գլխավորում Է կանցլեր Անգելա Մերկելը, պաշտպանել Է այդ օրենքը, մինչդեռ ընդդիմադիր կուսակցությունները ձեռնպահ են մնացել քվեարկութունից, համարելով, որ օրենքում առաջարկված միջոցառումները բավարար չեն:

Տնտեսական հետազոտությունների գերմանական ինստիտուտի՝ վերջերս անցկացված հետազոտության համաձայն՝ կանայք կազմում են ԳՖՀ-ի 100 խոշորագույն ընկերությունների տնօրենների խորհրդի անդամների ընդամենը 18,6 տոկոսը:

Ինչպես նշում Է «Ինտերֆաքս»-ը, Եվրոպայի երկրների թվում համանման քվոտաներ արդեն գործում են Նորվեգիայում, Իսպանիայում եւ Ֆրանսիայում: