Սկսվել Է Kolga Tbilisi Photo 2015 միջազգային ֆոտոմրցույթի մասնակիցների գրանցումը
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Մեկնարկել Է Kolga Tbilisi Photo 2015 ամենամյա միջազգային ֆոտոմրցույթի մասնակիցների գրանցումը: Մրցույթին մասնակցել ցանկացողները պետք Է մարտի 20-ից ոչ ուշ առցանց դիմում լրացնեն կազմակերպիչների kolga.ge պաշտոնական կայքում: Առաջվա պես միջազգային ժյուրին հաղթողներին կհայտարարի հինգ անվանակարգերում՝ դոկումենտալիստիկա, ռեպորտաժ, կոնցեպտուալ ֆոտոնախագիծ, մեկ կադր, շարժական ֆոտո ("Geocell"), տեղեկացնում Է «Արմենպրես»-ը՝ հղում անելով «Նովոստի Գրուզիա»-ին:
Ֆոտոմրցույթի մրցանակային հիմնադրամն այս տարի կազմում Է ԱՄՆ-ի 6 հազար դոլար (12 հազար 840 լարի):
Առաջին չորս անվանակարգերի հաղթողները մրցանակ կստանան 1,5 հազար դոլարի (3210 լարի) չափով, իսկ շարժական հեռախոսով (Geocell-ի բաժանորդ) արված լավագույն ֆոտոյի հեղինակը նվեր կստանա iPhone 6:
Ցուցահանդեսի բացումը պլանավորված Է մայիսի 1-ին: Անցյալ տարի մրցույթին մասնակցել Է 38 երկիր, այս տարի կազմակերպիչներն ակնկալում են, որ հյուրերի թիվը կավելանա:
Ինչպես ասված Է ֆոտոմրցույթի կազմակերպիչների պաշտոնական կայքում, բացի նախագծի մասնակիցների աշխատանքներից, ցանկացողները կկարողանան այցելել միջազգային հյուրերի կոլեկտիվ եւ անհատական ցուցահանդեսներ: Այս տարի նաեւ կկազմակերպվեն բազմաթիվ սեմինարներ, հանրային բանավեճեր եւ գործնական սեմինարներ:
Kolga Tbilisi Photo 2015 ֆոտոմրցույթը վերանվանվել Է 2012 թվականին, ավելի վաղ այն կրում Էր Kolga անվանումը:
Բաժանորդագրվեք մեր ալիքին Telegram-ում