ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Կանադայի բազմաթիվ բնակիչներ են մասնակցել այն ակցիային, որը Canadian Design Resource ընկերությունը կազմակերպել Էր ամերիկացի դերասան Լեոնարդ Նիմոյի հիշատակին, ով խաղացել Է Սփոքի դերն «Աստղային ուղի»(Star Trek) կուլտային հեռուստատեսային սերիալում, եւ նրա դիմանկարներով են նկարազարդել հինգդոլարանոց թղթադրամները: Նիմոյը վախճանվել Է փետրվարի 27-ին, տեղեկացնում Է «Արմենպրես»-ը:  

Ակցիայի մասնակիցները գնդիկավոր գրիչով վարչապետ սըր Ուիլֆրիդ Լորիեի (1896 – 1911) դիմանկարը, որը պատկերված Է կանադական հինգդոլարանոց թղթադրամների վրա, վերածում են Սփոքի դիմանկարի եւ իրենց ստեղծագործությունը զետեղում են սոցցանցում: Twitter-ում դրանք, ինչպես նաեւ դերասանին նվիրված բոլոր պատկերները նշված են  #Spock и #LiveLongAndProsper («Ապրիր երկար եւ բարգավաճիր», Սփոքի՝ ժողովրդի կողմից օգտավործվող ողջույնը) հեշթեգներով, հաղորդում Է Mashable.com  պորտալը: 

Twitter-ի որոշ օգտատերեր նշում են, որ փողի հետ նման մանիպուլյացիաները այնքան Էլ օրինական չեն: Կանադայի Թագավորական դրամահատարանի կայքի համաձայն՝ ոչ ոք չի կարող «հալել մետաղադրամները կամ պատռել թղթադրամները, ինչպես նաեւ դրանք չօգտագործել ըստ նպատակի», այնուամենայնիվ, թղթադրամների նկարազարդումն արգելելու մասին խոսք չկա, հաղորդել Է ՌԻԱ Նովոստին: