Ավստրալիայում առաջին անգամ աշխարհում ռեակտիվ շարժիչ են «տպել»
ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Ավստրալացի ինժեներներն աշխարհում առաջին անգամ ռեակտիվ շարժիչ են պատրաստել ծավալային տպագրման տեխնոլոգիայի միջոցով: Amaero Engineering ընկերության եւ Մոնաշի համալսարանի մասնագետների համատեղ աշխատանքի արդյունքներն արդեն գրավել են առաջատար ավիաարտադրողների ուշադրությունը: Այդ մասին, ինչպես տեղեկացնում Է «Արմենպրես»-ը, փետրվարի 26-ին հաղորդել Է «Սիդնեյ մոռինինգ հերալդ» թերթը:
Ռեակտիվ շարժիչի դետալների «տպումը» կատարվել Է շերտ առ շերտ: Դրանք ձեւավորվել են հզոր լազերի օգնությամբ փոշեկերպ նիկելի, տիտանի եւ ալյումինի համահալման միջոցով:
Մշակողները համոզված են, որ թեստային նմուշների պատրաստման համար 3D-տպագրման տեխնոլոգիայի օգտագործումը թույլ կտա զգալիորեն նվազեցնել նոր ռեակտիվ շարժիչների մշակման ժամանակի ծախսերը, հաղորդել Է ՏԱՍՍ գործակալությունը:
Բաժանորդագրվեք մեր ալիքին Telegram-ում