38-ամյա Ռոնալդոն վերադառնում է մեծ ֆուտբոլ
15:50, 31 Հունվար 2015
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Աշխարհի նախկին չեմպիոն բրազիլացի ֆուտբոլիստ Ռոնալդոն վերադառնում է մեծ ֆուտբոլ: Ռոնալդոն պայմանագիր է ստորագրել ամերիկյան «Ֆորտ Սթրայկերս»-ի հետ: 38-ամյա ֆուտբոլիստը վերսկսել է մարզվել Ֆլորիդան ներկայացնող թիմի կազմում: Ռոնալդոն այդ ակումբի բաժնետերերից մեկն է: «Արմենպրես»-ի հաղորդմամբ, այս մասին տեղեկացնում է Eurosport կայքը:
Ռոնալդոն ֆուտբոլիստի կարիերան ավարտել է 2011 թվականին, իսկ մինչ այդ հանդես էր գալիս բրազիլական «Կորինտիանս» ֆուտբոլային ակումբում, որտեղ մասնակցել է 69 հանդիպման և դարձել է 35 գոլի հեղինակ:
Բաժանորդագրվեք մեր ալիքին Telegram-ում