Պորոշենկոն հունվարի 25-ը սգո օր է հայտարարել ի հիշատակ Մարիուպոլում զոհվածների
ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Ուկրաինայի նախագահ Պյոտր Պորոշենկոն հունվարի 25-ը հայտարարել է սգո օր` ի հիշատակ Մարիուպոլում զոհվածների: «Արմենպրես»-ի հաղորդմամբ` ինչպես տեղեկացնում է «ՌԻԱ Նովոստի»-ն, համապատսխան հրամանագիրը երկրի ղերավարը ստորագրել է անցած գիշեր: «Զոհված քաղաքացիները հիշատակին հարգանքի տուրք է մատուցվելու ժամը 12:00-ին` մեկ րոպե լռությամբ»,-ասված է նախագահի հրամանագրում:
Շաբաթ օրը ուկրաինացի ուժայինները հայտնել են Մարիուպոլի գնդակոծության մասին, որի հետևանքով մահացել է 30 մարդ, վիրավորվել է ավելի քան հարյուրը: Ուժայիններն այդ ամենի մեջ մեղադրում են աշխարհազորայիններին: Ինքնահռչակ Դոնեցկի Ժողովրդավար Հանրապետության աշխարհազորայինները հերքում են ԴԺՀ-ի կողմից Մարիուպոլի հրետակոծման մասին ուժայինների տարածած լուրերը` հայտարարելով, որ Մարիուպոլի շրջանում իրենք հրետանի չունեն, որով կարող էին կրակ բացել տվյալ շրջանի վրա: ԴԺՀ-ի աշխարհազորայինների շտաբի ներկայացուցչի խոսքերով, կրակն արձակվել է այն վայրից, որտեղ տեղակայված են ուկրանացի ուժայինները:
Բաժանորդագրվեք մեր ալիքին Telegram-ում