ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: ՀՀ Կոտայքի մարզպետարանի, ՀՀ առողջապահության նախարարության և Հայաստանի Հանրապետական կուսակցության Կոտայքի տարածքային կազմակերպության նախաձեռնությամբ Նոր Գեղիի առողջության առաջնային պահպանման կենտրոնում կազմակերպվել է կանանց անվճար հետազոտություններ:

Ինչպես «Արմենպրես»-ին տեղեկացրին ՀՀ Կոտայքի մարզպետարանի աշխատակազմի տեղեկատվությաև և  հասարակայնության հետ կապերի բաժնից, Նոր Գեղի և Արգել համայնքների շուրջ 60 բնակիչների համար այս ծրագրի շրջանակներում կազմակերպվել են կրծքագեղձի և վահանաձև գեղձի անվճար հետազոտություններ՝ հնարավոր հիվանդությունների վաղ հայտնաբերման, կանխարգելման և հետագա բուժման կուրսեր կազմակերպելու նկատառումներով:

Առողջապահական այս ձեռնարկին մասնակցել է ՀՀ Կոտայքի մարզպետի տեղակալ Կ. Պապոյանը:

Նոր Գեղի և Արգել համայնքների բնակիչներն իրենց գոհունակությունն են հայտնել այս ծրագրի իրականացման համար:

Իսկ նախաձեռնության հեղինակները վստահեցրել են, որ գործընթացը կրելու է շարունակական բնույթ՝ ընդգրկելով մարզի այլ համայնքներ և առողջապահական այլ բնույթի հետազոտություններ ևս: