Բլատերը գուցե չառաջադրվի ՖԻՖԱ-ի նախագահի պաշտոնում
13:35, 22 Դեկտեմբեր 2014
ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: ՖԻՖԱ-ի նախագահ Յոզեֆ Բլատերը գաղտնի խորհրդակցություն է անցկացրել, որտեղ քննարկվել է իր թեկնածության հարցը ՖԻՖԱ-ի նախագահի պաշտոնում:
«Արմենպրես»-ի հաղորդմամբ, Բի-Բի-Սի-ն հայտնում է, որ խորհրադակցության ժամանակ Բլատերը փաստել է, որ հոգնել է սկանդալներից, խիստ աշխատանքային օրակարգից և 2018, 2022 թվականների աշխարհի առաջնությունների հետ կապված տարաձայնություններից: Բլատերն ընդգծել է նաև, որ դեռ վերջնական որոշում չի կայացրել իր ապագայի վերաբերյալ: ՖԻՖԱ-ի նախագահը իր ծրագրերի մասին վերջնական որոշում կկայացնի 2015 թվականի հունվարին:
78-ամյա Բլատերը ՖԻՖԱ-ի «ղեկին» է 1998 թվականից, հասցրել է 4 անգամ վերընտրվել նախագահի պաշտոնում:
Բաժանորդագրվեք մեր ալիքին Telegram-ում