ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Բուկինհեմյան պալատի ներկայացուցիչները հերքել են գահից Մեծ Բրիտանիայի Եղիսաբեթ Բ թագուհու մոտալուտ հրաժարման վերաբերյալ լուրերը: Այս մասին, ինչպես տեղեկացնում Է «Արմենպրես»-ը, հաղորդել են երկրի զանգվածային լրատվամիջոցները:

Այդ լուրերի համար պատճառ են դարձել Coral բուքմեքերական ընկերության գործողությունները: Վերջինս դադարեցրել Է խաղագումարներ վերցնել այն բանի կապակցությամբ, որ 88-ամյա թագուհին դեկտեմբերի 25-ին՝ ազգին հղվող ավանդական Սուրբծննդյան ուղերձի ժամանակ կհայտարարի գահից հրաժարվելու մասին: Սովորաբար բուքմեքերական գրասենյակները դադարեցնում են խաղագումարներ վերցնել, երբ կասկածում են, որ դրանք կատարում են այն մարդիկ, ովքեր վաղօրոք լավատեղյակ են առաջիկա իրադարձությանը, որի հավանականության շուրջ նրանք ցանկանում են գրազ բռնել:    

Թագավորական պալատի ներկայացուցիչները պարզաբանել են, որ թագուհու Սուրբծննդյան ճառը տեսագրվում Է նախօրոք եւ հաղորդվում Է մի քանի անգամ՝ տարբեր ժամային գոտիների համար: «Եթե թագուհին ցանկանար կարեւոր հայտարարութուն անել, նա դրա համար չԷր ընտրի նախօրոք տեսագրված ճառը»,- The Daily Telegraph թերթին հայտարարել Է Բուկինհեմյան պալատի ներկայացուցիչը, հաղորդել Է ՏԱՍՍ-ը: