Հովհաննես Գաբուզյանը 4-րդն էր Միլանի շախմատային մրցաշարում
16:10, 16 Դեկտեմբեր 2014
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Հովհաննես Գաբուզյանը 28 շախմատիստներից 4-րդ էր իտալական շախմատային մրցաշարում: «Արմենպրես»-ի հաղորդմամբ` ինչպես տեղեկացնում է Armchess կայքը, գրոսմայստեր Հովհաննես Գաբուզյանը Իտալիայի Միլան քաղաքում անցկացված Կրեսպիի հուշամրցաշարում 9 հնարավորից վաստակել է 5,5 միավոր եւ 28 մասնակիցների մեջ գրավել է չորրորդ տեղը: 7 միավորով մրցաշարի հաղթող է դարձել գրոսմայստեր Էդուարդաս Ռոզենտալիսը (Լիտվա):
Գաբուզյանն այժմ մասնակցում է Իտալիայի մեկ այլ քաղաքում` Պադովայում սկսված օփենին: Երկու տուրից հետո Հովհաննեսը վաստակել է 2 միավոր և յոթ այլ շախմատիստների հետ գլխավորում է աղյուսակը:
Բաժանորդագրվեք մեր ալիքին Telegram-ում