Ուկրաինային հատկացված օտարերկրյա օգնությունը կազմել Է 8,6 մլրդ դոլար. Յացենյուկ
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Ուկրաինան 8,6 մլրդ դոլար ընդհանուր գումարի արտաքին վարկային օգնություն է ստացել: Այդ մասին, ինչպես տեղեկացնում է «Արմենպրես»-ը, կառավարության՝ ներկայիս կազմով վերջին նիստի ընթացքում հայտարարել Է կաբինետի ղեկավար Արսենի Յացենյուկը:
«Մեր կաբինետը վերսկսել Է գործունեության եւ համագործակցության ծրագիրը Արժույթի միջազգային հիմնադրամի, Վերակառուցման եւ զարգացման եվրոպական բանկի եւ մյուս բանկերի հետ: Այսօր միջազգային ներդրողները պատրաստ չեն գալ երկիր, բայց միջազգային բանկերը պատրաստ են մեզ օգնել»,-նշել է Յացենյուկը:
Նրա խոսքով՝ «ընդամենն ստացել ենք 8,6 մլրդ դոլար»:
«Առանց միջազգային օգնության մենք չԷինք գոյատեւի»,-հավելել Է նա:
Ըստ ՏԱՍՍ-ի՝ Յացենյուկը նաեւ հայտնել Է, որ Ուկրաինայի տնտեսության կրճատումը 2014 թվականին կկազմի առնվազն 7 տոկոս:
Բաժանորդագրվեք մեր ալիքին Telegram-ում