Լրատվությունը պետք է ծառայի ազգերի փոխըմբռնման ամրապնդմանը. Վիկտոր Չամարա
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Ազգերի միջև երկխոսության կազմակերպման և փոխըմռնման ամրապնդան համար կարևոր է լրատվամիջոցների համագործակցությունը: Այս մասին Երևանում գումարված Մերձսևծովյան երկրների ազգային լրատվական գործակալությունների ասոցիացիայի գլխավոր ասամբլեայի 7-րդ նիստի ժամանակ ասաց ասոցիացիայի գլխավոր քարտուղար Վիկտոր Չամարան: Նրա խոսքով` լրատվական գործակալությունները ունեն կարևոր առաքելություն` ազգերի միջև կապերի զարգացման համար: «Մենք պետք է կարողանանք կես խոսքից հասկանալ միմյանց և մեր ազգերի միջև ակտիվացնել շփումները: Դրա համար պետք է զարգացնել միմյանց հետ կապերը, կազմակերպել փոխայցելություններ, ստեղծել հնարավորություն, որ մի գործակալության լրագրողը կարողանա որոշ ժամանակ աշխատել իր գործընկերների հետ և մոտիկից ծանոթանալ նրանց աշխատանքին»,- «Արմենպրես»-ի հաղորդմամբ` ասաց Չամարան:
Մերձսևծովյան երկրների ազգային լրատվական գործակալությունների ասոցիացիայի գլխավոր քարտուղարի խոսքով` համագործակցության ամրապնդման համար կարևոր է, որ գործակալությունները կազմակերպեն համատեղ ասուլիսներ, հարցազրույցներ, տարածեն միմյանց լուրերը` արդունքում լրատվությունը ծառայեցնելով նաև պետությունների համագործակցությանը: «Կարծում եմ, հարկավոր է ավելի շատ տեղ հատկացնել մշակույթի, տուրիզմի, էկոլոգիայի հարցերի լուսաբանմանը և նպաստել այդ ուղղությունների զարգացմանը: Բացի այդ, նշանակալից է միգրացիոն հարցերի լուսաբանումը, որն այսօր խնդիր է բոլոր պետությունների համար»,- ավելացրեց նա: Եզրափակելով իր խոսքը` Չամարան ընդգեց, որ լրատվություն ստեղծողները պետք կարողնան նայել միմյանց աչքերի մեջ և միևնույն ժամանակ` նաև ընթերցողների աչքերի մեջ:
Բաժանորդագրվեք մեր ալիքին Telegram-ում