Հայ ծանրամարտիկը արծաթե մեդալ է նվաճել Եվրոպայի առաջնությունում
19:48, 24 Նոյեմբեր 2014
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: Կիպրոսի մայրաքաղաք Լիմասոլում ընթացող ծանրամարտի 20 և 23 տարեկան տղաների և աղջիկների Եվրոպայի առաջնությանը հայ մարզիկը նվաճել է արծաթե մեդալ:
Ինչպես «Արմենպրես»-ին տեղեկացրին ՀՀ սպորտի և երիտասարդության նախարարությունից, 56 կգ քաշային կարգում հանդես եկող Սմբատ Մարգարյանը (ԲԿՄԱ, Երևանի ծանրամարտի մանկապատանեկան մարզադպրոց, անձնական մարզիչ՝ Հրանտ Տոնոյան) պոկում վարժությունում բարձրացնելով 107 կգ, իսկ հրումում` 145 կգ, երկամարտի 252 կգ արդյունքով զբաղերել է երկրորդ հորիզոնականը՝ նվաճելով արծաթե մեդալ: Հայ ծանրորդը հրում վարժության 145 կգ արդյունքով արժանացել է նաև փոքր ոսկե մեդալի:
Բաժանորդագրվեք մեր ալիքին Telegram-ում