ԱՄՆ սենատորը Բաքվից պահանջել է անհապաղ ազատել քաղբանտարկյալներին
13:33, 1 Նոյեմբեր 2014
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Միացյալ Նահանգների Դեմոկրատական կուսակցության անդամ, Մերիլենդ նահանգից ընտրված սենատոր Բեն Կարդինը քննադատել է Ադրբեջանում քաղբանտարկյալների նկատմամբ իրականացվող անօրինությունները: Մասնավորապես նրան մտահոգել է ադրբեջանցի իրավապաշտպաններ Ռասուլ Ջաֆարովի և Արիֆ Յունուսի նախադատական կալանքի ժամկետը երկարաձգելու որոշումը: Ինչպես հաղորդում է «Արմենպրես»-ը, այս մասին ամերիկացի սենատորը գրառում է կատարել Թվիթերի իր միկրոբլոգում:
«Ռասուլ Ջաֆարովի և Արիֆ Յունուսի նախադատական կալանքի ժամկետի երկարաձգումը հիմնավորված չէ և ունի պատժիչ բնույթ: Նրանք պետք է անմիջապես և առանց որևէ պայմանի ազատ արձակվեն»,- գրել է Բեն Կարդինը:
Բաժանորդագրվեք մեր ալիքին Telegram-ում