Կառավարությունը կաջակցի տեղական արտադրանքը ԵՏՄ շուկա արտահանելուն
20:44, 31 Հոկտեմբեր 2014
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության կառավարությունը աջակցելու է տեղական գյուղմթերք արտադրողներին թողարկման ծավալները մեծացնելու և ԵՏՄ երկրներ արտահանելու հարցում: Այս մասին ՀՀԿ գործադիր նիստից առաջ լրագրողների հետ զրույցում նշեց ՀՀ վարչապետ Հովիկ Աբրահամյանը: «Ես համոզված եմ, որ մենք այդ հարցում հաջողություն ենք ունենալու»,- «Արմենպրես»-ի հաղորդմամբ՝ նշեց նա:
Նա հիշեցրեց, որ այդ հարցով նաև հանձնաժողով է ստեղծվել, որը շարունակում է աշխատանքները: «Բոլոր պատկան մարմինները աշխատում են: Մենք աջակցելու ենք մեր արտադրողին, փորձելու ենք ծավալները մեծացնել և հայկական ապրանքներ արտահանել Ռուսաստան, Ղազախստան, Բելառուս»,- ընդգծեց Հովիկ Աբրահամյանը:
Բաժանորդագրվեք մեր ալիքին Telegram-ում