Թունիսում «Նիդաա Թունիս» կուսակցությունը ստացել է պատգամավորական տեղերից 85-ը
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Թունիսի Կենտրոնական ընտրական հանձնաժողովը հոկտեմբերի 30-ին հայտարարել է խորհրդարանական ընտրությունների արդյունքները: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, համաձայն ընտրությունների արդյունքների՝ «Նիդաա Թունիս» կուսակցությունը ստացել է խորհրդարանի 217 տեղերից 85-ը, իսկ «Ան Նահդա» կուսակցությունը՝ 69 տեղ:
Թունիսում խորհրդարանական ընտրությունները կայացել են հոկտեմբերի 26-ին:
Ավելի վաղ «Ան Նահդա» իսլամիստական կուսակցության ակնառու ներկայացուցիչ Լուտֆի Զեյթունը շնորհավորել էր հաղթող «Նիդաա Թունիս» կուսակցությանը, ապա հաստատել իրենց աջակցությունն այդ քաղաքական ուժին:
Թունիսի խորհրդարանական ընտրություններում առաջին անգամ հաղթել է աշխարհիկ «Նիդաա Թունիս» կուսակցությունը:
«Նիդաա Թունիս» կուսակացությունը ստեղծվել է 2012 թվականին` նախկին վարչապետ Բեջի Քաիդ Սեբսիի կողմից: Կարճ ժամանակում այն հայտնի է դարձել երկրում:
Բաժանորդագրվեք մեր ալիքին Telegram-ում