Հայոց լեզվի դասավանդումը համակարգելու համար Կիեւում ձեւավորվել է հատուկ հանձնաժողով
ԿԻԵՎ, 24 ՀՈԿՏԵՄԲԵՐԻ, ԱՐՄԵՆՊՐԵՍ: «Ուկրաինայի հայերի միության» նախաձեռնությամբ Կիեւում կայացել է կլոր սեղան-քննարկում մանկավարժների մասնակցությամբ` նվիրված Ուկրաինայում հայոց լեզվի դասավանդման խնդիրներին: Ինչպես հաղորդում է «Արմենպրես»-ը` վկայակոչելով Analitikaua.net-ը, քննարկման ավարտին որոշում է կայացվել, որպեսզի հայերի միությունում կրթության հանձնաժողով ստեղծվի, նաեւ ընտրվեն հանձնաժողովի նախագահ եւ անդամներ: Հանձնաժողովի գործունեության նպատակն է կիրակնօրյա դպրոցներում համակարգել հայոց լեզվի դասընթացները:
Կլոր սեղանի մասնակիցները քննարկել են նաեւ կիրակնօրյա դպրոցների արդիական խնդիրները, ուղիներ որոնել ստեղծագործական ճանապարհով կրթության որակի բարձրացման համար:
Գիտության եւ կրթության հարցը գտնվում է Ուկրաինայի հայերի միության ուշադրության կենտրոնում:
Բաժանորդագրվեք մեր ալիքին Telegram-ում