Յուրա Մովսիսյանը վնասվածքից հետո առաջին լիարժեք մարզումն է անցկացրել «Սպարտակ»-ի կազմում
19:10, 23 Հոկտեմբեր 2014
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ազգային հավաքականի հարձակվող Յուրա Մովսիսյանն վնասվածքից հետո այսօր առաջին անգամ լիարժեք մարզվել է Մոսկվայի «Սպարտակ»-ի ընդհանուր խմբի հետ: Ինչպես փոխանցում է «Արմենպրես»-ը` այդ մասին տեղեկացնում է «Սպարտակ»-ի պաշտոնական կայքը:
Մոսկովյան ակումբը պատրաստվում է Պրեմիեր լիգայի հերթական տուրի «Լոկոմոտիվ»-ի հետ հանդիպմանը: Կարմրասպիտակավունները գլխավոր մարզիչ Յակինի գլխավորությամբ այսօր երկուանգամյա մարզում են անցկացրել:
Հայաստանի հավաքականի 27-ամյա հարձակվողը վնասվածք էր ստացել հունիսի սկզբին կայացած Գերմանիա-Հայաստան ընկերական հանդիպման ժամանակ:
Բաժանորդագրվեք մեր ալիքին Telegram-ում