ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: ՄԱԿ-ի գլխավոր քարտուղար Պան Գի Մունը չեղյալ է հայտարարել հոկտեմբերի վերջին պլանավորված ուղեւորություննը Արեւմտյան Աֆրիկայի այն երկրներ, որոնք առավել շատ են տուժել Էբոլա տենդից, ինչը պայմանավորված է դրանց կառավարությունների աշխատանքին չխանգարելու ցանկությամբ, տեղեկացնում է «Արմենպրես»-ը:

Գվինեա, Լիբերիա եւ Սիեռա Լեոնե ՄԱԿ-ի գլխավոր քարտուղարի այցը պետք Է կայանար հոկտեմբերի 31-ին եւ ցուցադրեր, որ Էբոլա վիրուսով վարակվելու վախերը, որոնք տանում են տարածաշրջանի միջազգային մեկուսացման, ուռճացված են: Ենթադրվող ուղեւորության մասին հրապարակավ չԷր հայտարարվել, բայց անցած շաբաթ Պան Գի Մունի շրջապատին հիշեցրել էին համապատասխան այցագրեր ստանալու անհրաժեշտության մասին:  

Foreign Policy հրատարակությունը, հղում անելով դիվանագիտական աղբյուրների, հաղորդում Է, որ դրանից քիչ անց ՄԱԿ-ի աշխատակիցները, որոնք պետք Է ուղակցեին գլխավոր քարտուղարին, այցի չեղարկման ծանուցագիր են ստացել:

ՄԱԿ-ի պաշտոնական ներկայացուցիչ Ստեֆան Դուժարիկը հավաստել Է, որ Արեւմտյան Աֆրիկայի երկրներ այցը պլանավորվում Էր, բայց այդ ուղեւորության վերաբերյալ վերջնական որոշում այդպես Էլ չի ընդունվել:

«Կարեւոր Է պահպանել հավասարակշռությունը այն օգուտի, որը բերում են նման գործուղումները, եւ այն անհարմարությունների միջեւ, որոնք գլխավոր քարտուղարի այցը կարող Էր ստեղծել ինչպես ՄԱԿ-ի տեղական ստորաբաժանումների, այնպես Էլ տեղական կառավարությունների գործունեության համար, որոնք առանց այդ Էլ շատ աշխատանք ունեն»,-ասել Է Դուժարիկը:  

ԱՀԿ-ի տվյալներով՝ անցյալ տարվա դեկտեմբերին Գվինեայում հիվանդության բռնկման պահից սուր վիրուսային ինֆեկցիայի զոհ Է դարձել 4555 մարդ, վարակված են 9216-ը: Գործնականում մահվան եւ վարակման բոլոր դեպքերը բաժին են ընկնում արեւմտաաֆրիկյան երեք երկրների՝ Գվինեային, Լիբերիային եւ Սիեռա Լեոնեին: ԱՄՆ-ում երեք մարդ Է վարակվել վիրուսով, նրանցից մեկը մահացել Է, Իսպանիայում վիրուսը հայտնաբերվել Է միայն մեկ մարդու մոտ: «Նիգերիայում գրանցվել Է մահվան ութ եւ վարակման քսան դեպք, իսկ Սենագալում հիվանդացել Է մեկ մարդ: Վերջին երկու երկրներում հիվանդության բռնկումը վերջնականապես ավարտված Է հայտարարվել, հաղորդել Է ՌԻԱ Նովոստին: