Ուսանողների զանգվածային բախում` Անկարայի համալսարանում
21:50, 21 Հոկտեմբեր 2014
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Անկարայի համալսարանում այսօր զանգվածային բախում է տեղի ունեցել տարբեր քաղաքական հայացքներով ազգությամբ քուրդ եւ թուրք ուսանողների միջեւ:
Ինչպես հաղորդում է «Արմենպրես»-ը` վկայակոչելով թուրքական «Հուրիեթ» թերթը, ոստիկանության տարածած վարկածի համաձայն` բախմանը մասնակցել են Թուրքիայում արգելված Քրդստանի աշխատավորական կուսակցության (PKK) համակիրները եւ «Երիտասարդության թուրքական միություն» ազգայնական կազմակերպության ներկայացուցիչները:
Ուսանողներն օգտագործել են մահակներ եւ դանակներ: Ոստիկանությանը հաջողվել է ցրել բախման մասնակիցներին, որից հետո հինգ մարդ հոսպիտալացվել է: Միջադեպի պատճառով համալսարանում պարապմունքները հետաձգվել են:
Բաժանորդագրվեք մեր ալիքին Telegram-ում