Ստամբուլում խլում են հայկական հիվանդանոցին պատկանող տարածքը
15:21, 21 Հոկտեմբեր 2014
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Ստամբուլի Զեյթինբուռնու շրջանի գործադիր իշխանությունը որոշել է հանրային զբոսայգու վերածել հայկական Սուրբ Փրկիչ հիվանդանոցին պատկանող 8660 քառ.մ տարածքը: Այս մասին, ինչպես հաղորդում է «Արմենպրես»-ը, հայտնում է թուրքական Yurt թերթը:
Թերթը նշում է, որ հայկական հիվանդանոցի հոգաբարձուները դեմ են հանդես եկել իշխանությունների այդ որոշմանը եւ փորձելու են նրանց հետ պահել այդ մտքից:
Ըստ թերթի` հիշյալ տարածքը ֆինանսական տեսակետից մեծ արժեք է ներկայացնում:
Ստամբուլում գտնվող Սուրբ Փրկիչ հայկական հիվանդանոցը համարվում է Թուրքիայի լավագույն բուժհաստատություններից մեկը: Այդտեղ բուժում են անցնում նաեւ Թուրքիայի իշխանությունների բազմաթիվ ներկայացուցիչներ:
Բաժանորդագրվեք մեր ալիքին Telegram-ում