ԱԺ-ն արտահերթ կարգով կքննարկի ընդդիմության ներկայացրած նախագծերը
ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության Ազգային ժողովն արտահերթ կարգով կքննարկի ընդդիմության կողմից ներկայացված երկու օրենքի նախագիծ: Այս մասին Ազգային ժողովի նիստում տեղեկացրեց ՀՀ ԱԺ նախագահ Գալուստ Սահակյանը:
«Ազգային ժողովի պատգամավորների 1/3-ի ստորագրությամբ արտահերթ քնարկման է ներկայացվել երկու օրենքի նախագիծ «Հայաստանի Հանրապետությունում կառավարման ճգնաժամի վերաբերյալ» հայտարարության, ինչպես նաև Ընտրական օրենսգրքում բարեփոխումներ կատարելու վերաբերյալ: Ներկայացված հարցերն ընդգրկված են քառօրյայի օրակարգում և կքննարկվեն արտահերթ»,- «Արմենպրես»-ի հաղորդմամբ՝ ասաց Սահակյանը:
ԱԺ ՀՀԿ խմբակցության պատգամավոր Հովհաննես Սահակյանը նշեց, որ իրենք արտահերթի մասին տեղյակ չեն եղել մինչև այս պահը և ծանոթ էլ չեն քննարկվելիք նախագծերին, քանի որ ընդդիմության ներկայացուցիչների կողմից որևէ բան չեն ստացել:
Բաժանորդագրվեք մեր ալիքին Telegram-ում