Գոհարյանն ու Պապիկյանը չեն մասնակցի նաև «Ուլիս»-Բանանց» խաղին
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Երևանի «Ուլիս»-ի առաջատար ֆուտբոլիստներ Հովհաննես Գոհարյանի ու Աղվան Պապիկյանի ապաքինումն ընթանում է ըստ նախատեսվածի և շատ շուտով երկու խաղացողներն էլ կվերադառնան խաղադաշտ: Ինչպես փոխանցում է «Արմենպրես»-ը` «Բանանց»-ի հետ գավաթի քառորդ եզրափակիչ խաղում Գոհարյանն ու Պապիկյանը չեն մասնակցի, իսկ ահա առաջնության շրջանակներում կայանալիք «Բանանց»-«Ուլիս» խաղին Աղվան Պապիկյանն արդեն կարող է մասնակցել:
«Արմենպրես»-ի հաղորդմամբ` Հովհաննես Գոհարյանը լիարժեք մարզումներ կսկսի հոկտեմբերի 10-ից:
Այս երկու ֆուտբոլիստները բաց թին թողել նաև Հայաստանի առաջնության ութերորդ տուրի «Փյունիկ»-ի դեմ հանդիպումը:
Ութ տուրերից հետո «Ուլիս»-ը վստահորեն գլխավորում է Հայաստանի առաջնության մրցաշարային աղյուսակը:
Բաժանորդագրվեք մեր ալիքին Telegram-ում