Վանես Մարտիրոսյանը կմենամարտի Վիլի Նելսոնի հետ
12:40, 30 Սեպտեմբեր 2014
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Հայազգի բռնցքամարտիկ Վանես Մարտիրոսյանը վերադառնում է ռինգ: Նա շաբաթը օրը կմենամարտի Վիլի Նելսոնի հետ:
«5 օր անց մենամարտելու եմ Վիլի Նելսոնի հետ: Ես երբեք այսքան ջանասիրությամբ չեմ պատրաստվել մենամարտիս, երբեք այսքան մոտիվացիա չեմ ունեցել մենամարտից առաջ: Այս մենամարտը նվիրում եմ ընտանիքիս և ընկերներիս»,-«Արմենպրես»-ի հաղորդմամբ, Ֆեյսբուքի իր էջում գրել է Մարտիրոսյանը:
Վանես Մարտիրոսյան-Վիլի Նելսոն մենամարտը կկայանա հոկտեմբերի 4-ին Կոնեկտիկուտում: Վանեսը պրոֆեսիոնալ ռինգում է 2005 թվականից: 2010 թվականին Մարտիրոսյանը նվաճեց WBA վարկածով աշխարհի չեմպիոնի կոչումը:
Բաժանորդագրվեք մեր ալիքին Telegram-ում