Ջոզեֆ Գորդոն-Լեւիտը Սնուդենի դերը կխաղա Օլիվեր Սթոունի ֆիլմում
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: 33-ամյա ամերիկացի դերասան Ջոզեֆ Գորդոն-Լեւիտն Օլիվեր Սթոունի ֆիլմում խաղալու Է Կենտրոնական հետախուզական վարչության նախկին աշխատակից Էդվարդ Սնուդենի դերը: Այդ մասին, ինչպես տեղեկացնում Է «Արմենպրես»-ը, գրել են ամերիկյան ԶԼՄ-ները՝ վկայակոչելով Հոլիվուդի աղբյուրներ:
Ջոզեֆ Գորդոն-Լեւիտը հայտնի Է «Սկիզբ» եւ «Դոն Ժուանի կրքերը» ֆիլմերից:
Ֆիլմը մասնակիորեն հիմնված կլինի Սնուդենի փաստաբան Անատոլի Կուչերենայի «Ծովահրեշի ժամանակը» գրքի վրա, որի նկատմամբ իրավունքն ավելի վաղ ձեռք Է բերել Սթոունը:
Նկարահանումները պլանավորվում Է սկսել այս տարվա դեկտեմբերին կամ հաջորդ տարվա առաջին եռամսյակում:
Կինոնկարի ռեժիսորն ու սցենարիստը Օլիվեր Սթոունն Է: Նա Էրիկ Քոփելոֆի եւ Միրից Բորմանի հետ միասին հանդես կգա նաեւ որպես ֆիլմի պրոդյուսեր:
Անցյալ տարի Էդվարդ Սնոուդենը ԱՄՆ-ի ազգային անվտանգության գործակալության գաղտնի տեղեկատվություն Էր փոխանցել բրիտանական ԶԼՄ-ներին, որը վերաբերում Է ամերիկյան հատուկ ծառայությունների համատարած լրտեսման ծրագրերին:
Սնոուդենին մեղադրանքներ են առաջադրվել լրտեսության մեջ: Նա Միացյալ Նահանգներից փախել Է Հոնկոնգ, իսկ այնուհետեւ ժամանակավոր ապաստան ստացել Ռուսաստանում, որտեղ մինչ այժմ Էլ գտնվում Է:
Բաժանորդագրվեք մեր ալիքին Telegram-ում