Լավագույնները որոշվում են միջազգային ռինգում.Դավիթ Թորոսյան
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի լավագույն բռնցքամարտիկները պետք Է իրենց հնարավորությունները ցույց տան միջազգային մրցումներում:
Այս մասին «Արմենպրես»-ին ասաց Հայաստանի բռնցքամարտի հավաքականի գլխավոր մարզիչ Դավիթ Թորոսյանը:
Նա նշեց, որ վերջերս Հայաստանի բռնցքամարտի հավաքականի բոլոր թեկնածուները մասնակցել եւ մասնակցում են մի շարք հեղինակավոր միջազգային մրցումների` նախապատրաստվելով նոր մրցաշրջանին:
Մասնավորապես, Հայաստանի բռնցքամարտիկները մասնակցել են Ռուսաստանի Դաշնության Մախաչկալա քաղաքում կայացած Ումախանովի միջազգային հուշամրցաշարին` նվաճելով 5, այդ թվում՝ 1 ոսկե, 1 արծաթե եւ 3 բրոնզե մեդալ, իսկ ներկայումս Հայաստանի բռնցքամարտի թիմը մասնակցում Է Լեհաստանի Կիլցե քաղաքում մեկնարկած լեգենդար լեհ բռնցքամարտիկ, հայ անվանի մարզիկ Վլադիմիր Ենգիբարյանի մրցակից Լեշեկ Դրոգոշի հուշամրցաշարին:
Բոլոր այն մրցաշարերը, որոնք տեղ են գտել հայ բռնցքամատիկների ծրագրում, բարձր վարկանիշ ունեն եւ թույլ կտան համապատասխան եզրակացություն անել ազգային թիմի հնարավոր կազմի մասին:
Նախատեսվում Է, որ մինչ մրցաշարջանի ավարտը Հայաստանի բռնցքամարտիկները կմասնակցեն նաեւ Ֆինլանդիայում կայանալիք միջազգային մրցաշարի:
Ինչպես հայտնի Է, Թորոսյանը շեշտը դնում Է այն բռնցքամարտիկների վրա, որոնք իրենց լավ են դրսեւորում միջազգային ռինգում` անկախ Հայաստանի առաջնությունում ունեցած արդյունքից:
Բաժանորդագրվեք մեր ալիքին Telegram-ում