«Ուլիս»-ը համալրումներ է կատարում մարզչական շտաբում
ԵՐԵՎԱՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ: Երևանի «Ուլիս»-ը համալրում է մարզչական կազմը` դարպասապահների համար ձեռք բերելով մարզիչ Մայիս Ազիզյանին:
Դարպասապահների մարզիչ ունենալու համար ակումբի ղեկավարությունը քայլեր էր կատարում և հիմա արդեն պաշտոնապես կարելի է ասել, որ թիմն ունի նոր մարզիչ, ով կաշխատի դարպասապահների հետ: «Ուլիս» ակումբը պայմանագիր է ստորագրել նախկինում հայտնի դարպասապահ Մայիս Ազիզյանի հետ, ով արդեն համալրել է թիմի մարզչական կազմն ու իր հսկայական փորձն ու վարպետությունը փոխանցելու է դարպասապահներին: «Արմենպրես»-ի հաղորդմամբ, այս մասին տեղեկացնում է «Ուլիս»-ի մամուլի ծառայությունը:
Ֆուտբոլի Հայաստանի բարձրագույն խմբի մրցաշարային աղյուսակի առաջատարն «Ուլիս»-ն է: Թիմն իր ակտիվում ունի 16 միավոր և միանձնյա գլխավորում է մրցաշարային աղյուսակը:
Բաժանորդագրվեք մեր ալիքին Telegram-ում