Դավութօղլուն առաջինը կայցելի Հյուսիսային Կիպրոս և Ադրբեջան
15:55, 1 Սեպտեմբեր 2014
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայի նորանշանակ վարչապետ Ահմեդ Դավութօղլուն իր առաջին պաշտոնական այցերը կիրականացնի ինքնահռչակ Հյուսիսային Կիպրոսի Թուրքական Հանրապետություն և Ադրբեջան: Ինչպես հաղորդում է «Արմենպրես»-ը, այս մասին տեղեկացնում է թուրքական «Անատոլու» գործակալությունը:
Թեպետ արդեն իսկ հայտնի են երկրները, այդուհանդերձ դեռևս հստակեցված չեն այնտեղ մեկնելու ժամկետները:
Հիշեցնենք, որ Թուրքիայի նորընտիր նախագահ Ռեջեփ Թայիփ Էևրդողանը ևս իր առաջին այցերն իրականացնելու է վերոնշյալ երկրներ: Սկզբում նա լինելու է ինքնահռչակ Հյուսիսային Կիպրոսի Թուրքական Հանրապետությունում, այնուհետև` սեպտեմբերի 2-ին այցելելու է Ադրբեջան:
Բաժանորդագրվեք մեր ալիքին Telegram-ում