Երեւանի օլիմպիական քոլեջում հնչեց առաջին զանգը
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի սպորտի եւ երիտասարդության հարցերի նախարար Գաբրիել Ղազարյանը սեպտեմբերի 1-ին այցելեց Երեւանի օլիմպիական հերթափոխի պետական քոլեջ:
Ինչպես տեղեկացնում Է «Արմենպրես»-ը, նախարարը շնորհավորեց Հայաստանի հիմնական կրթօջախներից մեկի նորեկ եւ արդեն սովորող ուսանողներին ուսումնական տարվա մեկնարկի առիթով, լավագույն ուսում եւ մարզական հաղթանակներ մաղթեց նրանց ապագայում:
Ղազարյանը շրջեց մարզական համալիրի տարածքում, այցելեց մարզասրահներ, ծանոթացավ քոլեջի կոլեկտիվի աշխատանքին եւ հեռանկարներին, զրուցեց մարզահամալիրի աշխատակիցների եւ ուսանողների հետ:
Ղազարյանը կարեւորեց օլիմպիական քոլեջի դերը հայկական սպորտի համակարգում, նշեց, որ քոլեջի սաները բազմաթիվ մեդալներ են պարգեւել հայկական սպորտին, այդ թվում՝ օրերս Նանկինում ավարտված պատանեկան օլիմպիական խաղերին:
Բաժանորդագրվեք մեր ալիքին Telegram-ում