Շնորհակալ ենք միջազգային կազմակեպությանը մեր հայրենակցին գերության դժոխքից փրկելու համար. Արծրուն Հովհանիսյան
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: ՀՀ պաշտպանության նախարարի մամուլի խոսնակ Արծրուն Հովհաննիսյանը հույս ունի, որ ժամկետային զինծառայող Հակոբ Ինջիղուլյանը հայրենիք վերադառնալու հնարավորություն կունենա : «Արմենպրես»-ի հաղորդմամբ` այս մասին ֆեյսբուքյան իր էջում գրառում է կատարել ՀՀ ՊՆ մամուլի խոսնակ Արծրուն Հովհաննիսյանը: «Եթե Ինջիղուլյանի երրորդ երկիր գնալու լուրը ճիշտ է, ապա դա հիանալի է։ Մենք շնորհակալ ենք միջազգային համապատասխան կազմակերպությանը, որ մեր հայրենակցին փրկեց գերության դժոխքից։ Նրան առողջություն ենք մաղթում և հուսանք, որ նա Հայաստան վերադառնալու հնարավորություն կունենա»,-նշված է գրառման մեջ:
Ավելի վաղ «Արմենպրես»-ի հետ զրույցում ադրբեջանական գերության մեջ գտնվող ժամկետային զինծառայող Հակոբ Ինջիղուլյանի եղբայր Արման Ինջիղուլյանը տեղեկացրել է, որ հայ գերուն օգոստոսի 26-ին տեղափոխել են երրորդ երկիր, սակայն այդ մասին հարազատներն իրամցել են միայն երեկ:
2013թ. օգոստոսի 8-ի առավոտյան ղարաբաղա-ադրբեջանական սահմանում չկողմնորոշվելու հետևանքով Հակոբ Ինջիղուլյանը հայտնվել էր ադրբեջանական տարածքում և գերեվարվել հակառակորդի կողմից:
Բաժանորդագրվեք մեր ալիքին Telegram-ում