Աշխարհազորը պաշտպանել Է Ուկրաինայի զինվորականների համար մարդասիրական միջանցք բացելու Պուտինի կոչը
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Ուկրաինայի հարավ - արեւելքում գործող աշխարհազորայինների հրամանատարությունը պաշտպանել Է հանրապետության բանակի շրջապատված զինծառայողների համար մարդասիրական միջանցք բացելու ՌԴ-ի նախագահ Վլադիմիր Պուտինի նախաձեռնությունը՝ պայմանով, որ նրանք կզինաթափվեն: Այդ մասին, ինչպես տեղեկացնում Է «Արմենպրես»-ը, օգոստոսի լույս 29-ի գիշերը հաղորդել Է հարավ - արեւելքի բանակի մամուլի ծառայության կայքը:
«Մենք պաշտպանում ենք Ուկրաինայի՝ շրջապատված զինված ուժերի դուրսբերման համար մարդասիրական միջանցքի ստեղծման վերաբերյալ ՌԴ-ի նախագահ Վլադիմիր Պուտինի նախաձեռնությունը: Մենք պատրաստ ենք ապահովել ուկրաինացի զինծառայողների՝ շրջապատումից դուրս գալու անվտանգությունը՝ մի պայմանով. նրանք պետք Է ստեղծված միջանցքով դուրս գան առանց սպառազինության»,- ասված Է հաղորդագրության մեջ:
Ավելի վաղ ՌԴ-ի նախագահ Վլադիմիր Պուտինն Ուկրաինայի աշխարհազորին կոչ Էր արել մարդասիրական միջանցք բացել շրջապատված զինծառայողների համար եւ նրանց հնարավորություն ընձեռել՝ դուրս գալ մարտերի շրջանից:
Ուկրաինական գումարտակները շրջապատման մեջ են ընկել Դոնեցկի մարզի Իլովայսկի մերձակայքում: Զանգվածային լրատվամիջոցների տվյալներով՝ այժմ քաղաքի մոտ մարտերն ընթանում են անընդմեջ, ուժայիններն արդեն մթերքի եւ ջրի հետ կապված խնդիրներ ունեն, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում