Առողջապահության համաշխարհային կազմակերպությունը Էբոլայով հիվանդանալու ավելի քան 3 հազար դեպք է գրանցել
ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Առողջապահության համաշխարհային կազմակերպությունը (ԱՀԿ) գրանցել է Էբոլա մահացու վտանգավոր վիրուսով վարակվելու 3069 դեպք, դրանից 1552-ը՝ մահացու վախճանով: Այդ մասին, ինչպես տեղեկացնում Է «Արմենպրես»-ը, օգոստոսի 28-ին հաղորդել է Reuters գործակալությունը:
Ավելի վաղ նշվել էր, որ տենդի զոհ է դարձել 1,4 հազար մարդ, այդ թվում՝ 120 բուժաշխատող, որոնք օգնում էին պայքարելու հիվանդության դեմ:
Հիվանդության դեպքեր են գրանցվել Լիբերիայում, Սիեռա Լեոնեում, Գվինեայում, Նիգերիայում եւ Կոնգոյի Դեմոկրատական Հանրապետությունում:
Էբոլա տենդի բուժում կամ դրա դեմ արդյունավետ պատվաստանյութ գոյություն չունի, բայց հիվանդության բռնկումից հետո հեռանկարային պատրաստուկների մշակման մասին հաղորդել հայտնել են ԱՄՆ-ում, Ճապոնիայում եւ Կանադայում: ԱՀԿ-ն բարոյական Է համարել հիվանդության բուժման համար փորձարարական դեղորայքի օգտագործումը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում