Գազայի հատվածում հրդադարն ուժի մեջ կմտնի 20:00-ից. Մահմուդ Աբբաս
20:21, 26 Օգոստոս 2014
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Գազայի հատվածում հրադադարն ուժի մեջ կմտնի տեղի ժամանակով 19:00-ից` (Երևանի ժամանակով 20:00-ից):«Իտառ-Տասս»-ի փոխանցմամբ` այդ մասին Ռամալլահում հայտարարել է Պաղեստինի նախագահ Մահմուդ Աբբասը:
«Մենք արձագանքեցինք վերջնական և համապարփակ հրադադարի հաստատման Եգիպտոսի առաջարկին, որը կսկսվի Կահիրեի ժամանակով 19:00-ից»,- «Արմենպրես»-ի հաղորդմամբ` տեղեկացրել է Աբբասը:
Իսրայելական կողմը դեռևս որևէ կերպ չի մեկնաբանում այդ հայտարարությունը: Միաժամանակ, եգիպտական հեռուստատեսությունն արդեն հաստատել է, որ «Համաս» խմբավորումը և Իսրայելը համաձայնեցրել են կրակի դադարեցման պայմանավորվածությունը:
Բաժանորդագրվեք մեր ալիքին Telegram-ում