ԱՀԿ-ն հանձնարարել է մտցնել էլեկտրոնային սիգարետների գովազդի սահմանափակումներ
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Առողջապահության համաշխարհային կազմակերպությունը (ԱՀԿ) հանձնարարել է մտցնել Էլեկտրոնային սիգարետների գովազդի սահմանափակումներ, արգելել դրանց օգտագործումը շենքերում եւ վաճառքն անչափահասներին: Այս մասին, ինչպես տեղեկացնում է «Արմենպրես»-ը, ասված է ԱՀԿ-ի փորձագետների խմբի՝ տարածված զեկույցում:
Փաստաթուղթը պատրաստվել է ԱՀԿ-ի՝ Ծխախոտի դեմ պայքարի պարփակ կոնվենցիայի կողմերի խորհրդաժողովի վեցերորդ նստաշրջանի մասնակիցների համար, որը տեղի կունենա այս տարվա հոկտեմբերին Մոսկվայում:
Մոսկվայի հանդիպման համար կողմերը պետք Է ձեւակերպեն Էլեկտրոնային սիգարետների բազմամիլիարդանոց շուկայի կարգավորման առաջարկությունները: Ըստ զեկույցի բովանդակած տվյալների՝ 2014 թվականին աշխարհում կար Էլեկտրոնային սիգարետների 466 առեւտրանիշ, իսկ մեկ տարի առաջ՝ 2013 թվականին, դրանց վրա ծախսվել Է 3 միլիարդ դոլար: Կանխատեսումների համաձայն՝ մինչեւ 2030 թվականը Էլեկտրոնային սիգարետների վաճառքները կաճեն 17 անգամ, հաղորդել Է ԻՏԱՌ-ՏԱՍՍ-ը:
Բաժանորդագրվեք մեր ալիքին Telegram-ում