Մովսես Հակոբյանը պատրաստ է լինել դարձի եկած աղանդավոր զինծառայողների կնքահայրը
16:12, 23 Օգոստոս 2014
ՍՏԵՓԱՆԱԿԵՐՏ, 23 ՕԳՈՍՏՈՍԻ, ԱՐՄԵՆՊՐԵՍ: Արցախի Պաշտպանության բանակում ներգրավված հոգեւորականները դարձի են բերում աղանդավոր զինծառայողներին: Այս մասին Ստեփանակերտում Ն.Ս.Տ.Օ.Օ. Գարգին Բ կաթողիկոսի օրհնությամբ Հայաստանից մեկնած մի խումբ երիտասարդների հետ հանդիպմանն ասաց Արցախի Պաշտպանության բանակի հրամանատար Մովսես Հակոբյանը:
«Հոգևոր դասի ներգրավածությունը բանակում կարևոր է: Այս զորակոչին 64 զինծառայողներ աղանդավորներ էին, բայց զորացրվելուց նրանցից ոչ մեկն աղանդավոր չէր: Նրանք, ովքեր կկնքվեն, ես քավոր կլինեմ: Գտնում եմ, որ դա մեր աշխատանքի արդյունքն է, և ես պատրաստ եմ պատասխանատվություն կրել այդ զինվորի հետագա կյանքի համար»,-ասաց Հակոբյանը:
Բաժանորդագրվեք մեր ալիքին Telegram-ում