ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Հայաստանի մարզիկները, նվաճելով 1 ոսկե մեդալ՝ 77կգ քաշային ծանրորդ Հակոբ Մկրտչյան, եւ 1 արծաթե մեդալ՝ հրաձիգ Հրաչյա Բաբայան, այժմ զբաղեցնում են 27-րդ տեղը Նանջինի Պատանեկան օլիմպիական խաղերի ոչ պաշտոնական թիմային հաշվարկում:

Ինչպես տեղեկացնում Է  «Արմենպրես»- ը, ներկայիս դրությամբ 60 թիմային միավորով 1-ին տեղում են չինացի մարզիկները՝ 14ոսկե, 5 արծաթե եւ 8 բրոնզե մեդալ, 43 միավորով 2-րդ տեղում են Ռուսաստանի պատվիրակները՝ 8 ոսկե, 7 արծաթե եւ 5 բրոնզե մեդալ, իսկ 3-րդ տեղում են իտալացիները՝ 4-ական ոսկե եւ արծաթե, 2 բրոնզե մեդալ եւ 22 միավոր:

Հայաստանի մարզիկները  ընդամենը 1 միավոր են զիջում Հոնկոնգի, Լեհաստանի, Խորվաթիայի եւ Բելգիայի մարզիկներին, որոնք 6-ական թիմային միավոր են վաստակել: