Ռաֆայել Նադալը բաց կթողնի ԱՄՆ բաց առաջնությունը
09:57, 19 Օգոստոս 2014
ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: Թենիսի աշխարհի երկրորդ ռակետ իսպանացի Ռաֆայել Նադալը բաց կթողնի ԱՄՆ բաց առաջնությունը:
«Ես ցավում եմ, բայց անկարող եմ այս տարի մասնակցելու ԱՄՆ բաց առաջնությանը: Ես վստահ եմ, որ դուք ըմբռնումով կմոտենաք իմ այս որոշմանը: ԱՄՆ բաց առաջնությունն իմ սիրելի մրցաշարերից է, և ես այդտեղ հաղթել եմ արդեն երեք անգամ: Եվ շատ լավ հիշողություններ ունեմ այս մրցաշարի հետ կապված, սակայն ստեղծված իրադրության մեջ ինձ մնում է միայն ապաքինվել»,-«Արմենպրես»-ի հաղորդմամբ, Facebook իր էջում գրել է Նադալը:
«Մեծ սաղավարտ»-ի չորս մրցաշարերից ԱՄՆ բաց առաջնությունն այս տարի կմեկնարկի օգոստոսի 25-ին և կեզրափակվի սեպտեմբերի 8-ին:
Բաժանորդագրվեք մեր ալիքին Telegram-ում