Նորվեգացիները պատրաստվում են զվարճացնել շախմատի օլիմպիադայի մասնակիցներին եւ հյուրերին
20:28, 31 Հուլիս 2014
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Նորվեգիայի Տրոմսյո քաղաքում օգոստոսի 1-ին մեկնարկող շախմատի համաշխարհային օլիմպիադայի հանդիսավոր բացումը կկատարի այս երկրի ֆինանսների նախարար, տիկին Սիվ Յենսենը:
Ինչպես «Արմենպրես»-ին տեղեկացրին Հայաստանի շախմատի ֆեդերացիայում, 171 երկրներից Նորվեգիա ժամանած 3200 շախմատիստների, ինչպես նաեւ հյուրերի համար կազմվել Է հատուկ շոու-ծրագիր, որին կմասնակցեն Նորվեգիայի լավագույն երաժիշտները:
Շոուն կանցկացվի Տրոմսյոյի «Սքալֆալեն» համերգային սրահում:
Ինչպես հայտնի Է, Հայաստանի տղամարդկանց եւ կանանց շախմատի հավաքականները Տրոմսյո են մեկնել հուլիսի 30-ին:
Շախմատի համաշխարհային օլիմպիադան կավարտվի օգոստոսի 15-ին:
Բաժանորդագրվեք մեր ալիքին Telegram-ում