Հնդկաստանում աճում Է սողանքի զոհերի թիվը, 150 մարդ փլվածքների տակ Է մնում
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Կենտրոնական Հնդկաստատում սողանքի զոհ Է դարձել առնվազն 21 մարդ: Փրկարարական աշխատանքները շարունակվում են, սակայն նախկինի պես անհայտ Է 150 մարդու ճակատագիրը, որոնք կարող են գտնվել փլվածքների տակ, տեղեկացնում Է «Արմենպրես»-ը՝ հղում անելով BBC-ին:
Փրկարարներին հաջողվել Է յոթ մարդու գտնել ողջ, այդ թվում՝ մի 25-ամյա կնոջ եւ նրա 6-ամսական երեխային: Նրանց գտել են այն տան մեջ, որը մյուսների հետ թաղվել Էր ցեխի հոսքերի տակ: Ինչպես պատմել են փրկարարները, երբ նրանք փորում Էին տան տանիքը, տեսել են կնոջը, որն ամուր գրկել Էր երեխային:
Ողբերգությունը տեղի Է ունեցել վաղ առավոտյան Մահարաշտրայի նահանգի Փունայի օկրուգի Մալին գյուղում, երբ գյուղի բնակիչների մեծ մասը քնած Է եղել: Սողանքը ծածկել Է շուրջ 40 տուն:
Ցեխի հոսքերի, քարերի եւ արմատախիլ եղած ծառերի հեղեղը սարից գահավիժել Է գյուղի վրա: «Սարից ամեն ինչ ցած Էր հոսում»,- պատմել Է տեղացի մի պաշտոնյա:
Ամռան ամիսներին տեղատարափ անձրեւներից առաջացած սողանքները տարածված երեւույթ են Հնդկաստանում:
Բաժանորդագրվեք մեր ալիքին Telegram-ում