Հայաստանի շախմատիստները մեկնեցին Տրոմսյո
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Շախմատի Հայաստանի տղամարդկանց եւ կանանց հավաքականները հուլիսի 30-ին ավարտեցին իրենց ուսումնամարզական հավաքը Աղվերանում եւ մեկնեցին Նորվեգիա:
Ինչպես տեղեկացնում Է «Արմենպրես»-ը, Հայաստանի շախմատիստները կմասնակցեն օգոստոսի 1-15-ը Նորվեգիայի Տրոմսյո քաղաքում կայանալիք շախմատի համաշխարհային օլիմպիադային:
Շախմատի համաշխարհային օլիմպիադաների եռակի հաղթող Հայաստանի տղամարդկանց հավաքականի կազմում ընդգրկված են գրոսմայստերներ Լեւոն Արոնյանը, Սերգեյ Մովսիսյանը, Գաբրիել Սարգսյանը, Վլադիմիր Հակոբյանը եւ Տիգրան Քոթանջյանը: Թիմի մարզիչն Է գրոսմայստեր Արշակ Պետրոսյանը:
Կանանց հավաքականի կազմում հանդես կգան գրոսմայստերներ Էլինա Դանիելյանը, Լիլիթ Մկրտչյանը, Լիլիթ Գալոյանը, Մարիա Կուրսովան եւ վարպետ Շուշաննա Սարգսյանը:
Շախմատի Հայաստանի տղամարդկանց հավաքականը այս մրցաշարի ֆավորիտն Է համարվում: Ինչ վերաբերում Է մեր կանանց թիմին, ապա նրանք պայքարելու են բարձր տեղի համար:
Բաժանորդագրվեք մեր ալիքին Telegram-ում