Ուգո Չավեսի հոբելյանի առթիվ համակարգչային տառատեսակ են ստեղծել նրա ձեռագրի հիման վրա
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Վենեսուելայի բնակիչները հանգուցյալ Ուգո Չավեսի 60-ամյակը նշել են հրավառություններով, զինական սալյուտով եւ համակարգչային տառատեսակի ստեղծմամբ, որի հիմքում ընկած Է երկրի նախկին առաջնորդի ձեռագիրը: Այդ մասին, ինչպես տեղեկացնում Է «Արմենպրես»-ը, հուլիսի 29-ին հաղորդել են Լատինական Ամերիկայի զանգվածային լրատվամիջոցները:
Նախօրյակին ամբողջ օրը շարունակված տոնակատարություններն սկսվել են Չավեսին փոխարինած Նիկոլաս Մադուրոյի ելույթով, որը երգել Է "Happy Birthday" եւ փչել Է հոբելյանական տորթի մոմերը:
Չավեսի հիշատակի տուրք Է դարձել Համացանցում համակարգչային տառատեսակի ներդրման ծրագիրը, որը պատճենում Է Վենեսուելայի նախկին առաջնորդի ձեռագիրը:
Չավեսը Վենեսուելան ղեկավարել Է 1999 թվականից մինչեւ քաղցկեղից մահը՝ 2013 թվականի մարտի 5-ը, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում