Աֆղանստանի նախագահի հորեղբոր որդին սպանվել Է մահապարտ ահաբեկչի հարձակման հետեւանքով
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Աֆղանստանի նախագահ Համիդ Քարզայի հորեղբոր որդին՝ Հաշմաթ Քարզայը, սպանվել Է Ղանդահար քաղաքից ոչ հեռու գտնվող իր տանը մահապարտ ահաբեկչի հարձակման հետեւանքով: Այդ մասին, ինչպես տեղեկացնում Է «Արմենպրես»-ը, հուլիսի 29-ին հաղորդել Է «Ֆրանսպրես» գործակալությունը:
«Ահաբեկիչը որպես հյուր եկել Է Հաշմաթ Քարզայի տուն՝ նրան ողջունելու Իդ ալ Ֆիթր տոնի առթիվ»,-ասել Է Ղանդահարի նահանգի մամուլի քարտուղարը եւ հավելել, որ դրանից հետո մահապարտը գործի Է դրել պայթուցիկ սարքը: Հաշմաթ Քարզմայից բացի, ոչ ոք չի զոհվել:
Հուլիսի 17-ին մահափորձ Էր կատարվել հենց Աֆղանստանի նախագահի դեմ, որը շուտով թողնելու Է իր պաշտոնը: Զինյալները նրա ավտոշարասյան վրա գոհել Էին երկրի արեւելքի Պակտիայի նահանգում, ինչի հետեւանքով վիրավորվել Էին պետության ղեկավարի պահպանության ծառայության չորս աշխատակիցներ, հաղորվել Է ԻՏԱՌ-ՏԱՍՍ-ը:
Բաժանորդագրվեք մեր ալիքին Telegram-ում