Չնայած գլոբալ խնդիրներին` Ղարաբաղը պետք է առաջնահերթություն լինի. Ջեյմս Ուորլիք
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: ԵԱՀԿ Մինսկի խմբի ամերիկացի համանախագահ Ջեյմս Ուորլիքը հուլիսի 23-ին Վիեննայում ԵԱՀԿ ներկայացուցիչների հետ հանդիպման ժամանակ ընդգծել է, որ Լեռնային Ղարաբաղի հակամարտության լուծումը պետք է առաջնահերթություն լինի:
«Արմենպրես»-ի հաղորդմամբ, այդ մասին համանախագահը գրել է Twitter-ի իր էջում:
«Ես հիշեցրեցի ԵԱՀԿ ներկայացուցիչներին, որ չնայած գլոբալ խնդիրներին` ղարաբաղյան հակամարտության կարգավորումը պետք է առաջնահերթություն լինի», - նշել է ամերիկացի համանախագահը:
Ավելի վաղ ամերիկացի համանախագահը հայտնել էր, որ հանդիպելու է ԵԱՀԿ ղեկավարությանը` ներկայացնելու Լեռնային Ղարաբաղաի հակամարտության կարագավորման շուրջ բանակցությունների արդյունքները:
Հուլիսի 23-ին ԵԱՀԿ ՄԽ համանախագահները հանդես են եկել հայտարարությամբ, որում խորը մտահոգություն են հայտնել Լեռնային Ղարաբաղի հակամարտության գոտում լարվածության, բռնությունների սրացման, այդ թվում` հայ-ադբեջանական սահմանի շփման գծում խաղաղ բնակիչների սպանությունների վերաբերյալ:
Բաժանորդագրվեք մեր ալիքին Telegram-ում