«Վեցյակի» եւ Թեհրանի բանակցությունների հերթական փուլը կմեկնարկի սեպտեմբերի 1-ին
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Իրանի եւ միջազգային միջնորդների «վեցյակի» միջեւ բանակցությունների նոր փուլը, որոնք ավելի վաղ պայմանավորվել Էին երկարացնել իրանական միջուկային ծրագրի վերաբերյալ համապարփակ համաձայնագրի մշակման ժամկետը, կսկսվի սեպտեմբերի 1-ին: Այդ մասին, ինչպես տեղեկացնում Է «Արմենպրես»-ը, հուլիսի 23-ին հաղորդել Է Press TV հեռուստաալիքը:
Հուլիսի կեսերին Իրանը եւ «վեցյակը» բանակցությունների վեց փուլից հետո չկարողացան համաձայնության հասնել եւ պայմանավորվեցին բանակցային ժամանակաշրջանը երկարաձգել մինչեւ նոյեմբերի 24-ը:
«Սեպտեմբերի 1-ը նշանակվել Է այդ լրացուցիչ ժամանակաշրջանի ընթացքում բանակցությունների առաջին փուլն սկսելու համար»,-հուլիսի 23-ին կայացած ճեպազրույցի ժամանակ հայտարարել Է Իրանի ԱԳ նախարարության պաշտոնական ներկայացուցիչ Մարզիա Աֆհամը: Նա հավելել Է, որ այդ հանդիպմանը կնախորդեն կողմերի կոնսուլտացիաները՝ փորձագետների մակարդակով:
2013 թվականի նոյեմբերի 24-ին Ժնեւում ընդունված գործողությունների համատեղ պլանին համապատասխան, «վեցյակը» եւ Թեհրանը պետք Է համաձայնեցնեն փաստաթուղթ, որը կերաշխավորի Իրանի միջուկային ծրագրի բացառապես խաղաղ բնույթը՝ Իսլամական Հանրապետության նկատմամբ սահմանված միջազգային պատժամիջոցները չեղարկելու փոխարեն, հաղոցդել Է ՌԻԱ Նովոստին:
Բաժանորդագրվեք մեր ալիքին Telegram-ում