Մեծ Բրիտանիայի գահաժառանգ արքայազն Ջորջը նշում Է ծննդյան առաջին տարեդարձը
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Արքայազն Ուիլյամի եւ Քեյթ Միդլթոնի որդին՝ Ջորջ Ալեքսանդեր Լուին, հուլիսի 22-ին նշում Է ծննդյան առաջին տարեդարձը: Սպասվում Է, որ փոքրիկ արքայազնն այդ օրը կանցկացնի Քենսինգթոնի պալատում՝ իր ընտանիքի եւ բարեկամների շրջապատում, տեղեկացնում Է «Արմենպրես»-ը:
Ինչպես նշում են Մեծ Բրիտանիայի զանգվածային լրատվամիջոցները, Ջորջի պապիկը՝ Ուելսի արքայազն Չառլզը եւ նրա տիկինը՝ Կամիլան, միջոցառմանը չեն լինի, քանի որ նրանք գտնվում են Շոտլանդիայում:
Տոնի առթիվ Քեմբրիջի դուքսը եւ դքսուհին հրապարակել են անվանակոչիկի երեք լուսանկարներ: Դրանք արվել են մի քանի շաբաթ առաջ Լոնդոնի Բնական պատմության թանգարանում:
Բացի դրանից, արքայազն Ջորջի ծննդյան օրվա առթիվ Մեծ Բրիտանիայի դրամահատարանը թողարկել Է հինգ ֆունտ ստեռլինգ արժողությամբ կոլեկցիոն մետաղադրամ:
Ջորջ Ալեքսանդեր Լուին երրորդ հավակնորդն Է Է Մեծ Բրիտանիայի գահի հերթում՝ իր հորից՝ արքայազն Ուիլյամից եւ պապից՝ արքայազն Չառլզից հետո, հաղորդել Է «Ինտերֆաքս» գործակալությունը:
Բաժանորդագրվեք մեր ալիքին Telegram-ում