Բակո Սահակյանը և Իշխան Զաքարյանը քննարկել են ԼՂՀ և ՀՀ վերահսկիչ պալատների փոխգործակցության հարցեր
ՍՏԵՓԱՆԱԿԵՐՏ, 11 ՀՈՒԼԻՍԻ, ԱՐՄԵՆՊՐԵՍ: Արցախի Հանրապետության Նախագահ Բակո Սահակյանը հուլիսի 11-ին ընդունել է Հայաստանի Հանրապետության Վերահսկիչ պալատի պատվիրակությանը` կառույցի ղեկավար Իշխան Զաքարյանի գլխավորությամբ:
Ինչպես «Արմենպրես»-ին տեղեկացրին Արցախի Հանրապետության Նախագահի աշխատակազմի տեղեկատվության գլխավոր վարչությունից, քննարկվել են հայկական երկու հանրապետությունների վերահսկիչ պալատների միջեւ փոխգործակցությանը եւ աշխատանքների արդյունավետության բարձրացմանը վերաբերող հարցեր:
Երկուստեք նշվել է կապերի շարունակական ընդլայնման եւ խորացման անհրաժեշտությունը եւ դրա համար համապատասխան պայմանների առկայությունը:
Հանդիպմանը մասնակցում էին Ազգային ժողովի փոխխոսնակ Արթուր Թովմասյանը, փոխվարչապետ Արթուր Աղաբեկյանը, ԼՂՀ վերահսկիչ պալատի նախագահ Արթուր Մոսիյանը, պաշտոնատար այլ անձինք:
Բաժանորդագրվեք մեր ալիքին Telegram-ում