Պուտինն այցով ժամանել Է Հավանա
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը ժամանել Է Կուբա: Այցը, որ պաշտոնական բնույթ Է կրում, կտեւի մեկ օրից Էլ պակաս, տեղեկացնում Է «Արմենպրես»-ը՝ հղում անելով ԻՏԱՌ-ՏԱՍՍ-ին:
Այցի ծրագրով նախատեսված են Պուտինի զրույցը կուբայական հեղափոխության առաջնորդ Ֆիդել Կաստրոյի հետ, ինչպես նաեւ բանակցությունները Կուբայի Պետխորհրդի եւ Նախարարների խորհրդի նախագահ Ռաուլ Կաստրոյի հետ: Դրանց արդյունքում սպասվում Է մի ամբողջ շարք փաստաթղթերի ստորագրում:
Պուտինը Կուբա Է այցելում երկրորդ անգամ: Առաջին անգամ նա Ազատության կղզի Էր ուղեւորվել 2000 թվականի դեկտեմբերին:
Հավանան առաջին կանգառը կդառնա Լատինական Ամերիկայի երկրներում Պուտինի մեկշաբաթյա ուղեւորության ընթացքում: Կուբա այցի ավարտից հետո նա կուղեւորվի Բուենոս Այրես՝ բանակցելու Արգենտինայի ղեկավարության հետ, ընդ որում նա առաջին անգամ կլինի այդ երկրում: Այնուհետեւ Պուտինը կայցելի Ռիո դե Ժանեյրո՝ մասնակցելու Բրազիլիայի կողմից ֆուտբոլի աշխարհի առաջնության անցկացման իրավունքի փոխանցման արարողությանը, որը Ռուսաստանը կընդունի 2018 թվականին: Այնուհետեւ Բրազիլիայի մայրաքաղաքում կկայանան ռուս-բրազիլական բանակցություններ, իսկ Ֆորտալեզա քաղաքում՝ BRICS-ի (Բրազիլիա, Ռուսաստան, Հնդկաստան, Չինաստան, Հարավաֆրիկյան Հանրապետություն) գագաթնաժողովը, որին կմասնակցի Ռուսաստանի նախագահը:
Բաժանորդագրվեք մեր ալիքին Telegram-ում