Հայաստանի ձյուդոիստները մասնակցում են Եվրոպայի առաջնությանը
10:57, 24 Ապրիլ 2014
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Հայաստանցի 4 մարզիկ մասնակցում են ապրիլի 24-ին Ֆրանսիայի Մոնպելյե քաղաքում մեկնարկած Եվրոպայի ձյուդոյի առաջնությանը:
Ինչպես «Արմենպրես»-ին տեղեկացրին Հայաստանի ձյուդոի ֆեդերացիայում, մրցագորգ դուրս կգան 4 մարզիկ՝ 60 կգ քաշային Հովհաննես Դավթյանը՝ մեր թիմի վետերանը, 81կգ քաշայիններ Անդրանիկ Չափարյանը եւ Ռաֆայել Դավթյանը, ինչպես նաեւ 52կգ քաշային Ժաննա Ստանկեւիչը՝ կանանց մրցաշարում:
Հայաստանի ձյուդոյի հավաքականի գլխավոր մարզիչն Է Տիգրան Բաբայանը:
Եվրոպայի ձյուդոյի առաջնությունը կավարտվի ապրիլի 27-ին: Հայաստանցի ձյուդոիստները, ըստ փորձագետների, մեդալ նվաճելու հնարավորություն ունեն, թեեւ դա շատ բարդ կլինի:
Բաժանորդագրվեք մեր ալիքին Telegram-ում