Իջևանի շուկայի կրպակներից մեկում հրդեհ է բռնկվել
09:35, 22 Ապրիլ 2014
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: ՀՀ ԱԻՆ-ում ապրիլի 22-ին` ժամը 06.36-ին, ահազանգ է ստացվել, որ հրդեհ է բռնկվել Տավուշի մարզի Իջևան քաղաքի շուկայում: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ հրդեհը բռնկվել է Ն. Ա.-ին պատկանող գործող սննդի կրպակում: Հրդեհը մեկուսացվել է ժամը 06.44-ին, մարվել՝ 07.10-ին: Այրվել է կրպակն ամբողջությամբ՝ 15 քմ և մասնակի ջերմահարվել հարևան երկու կրպակների պատերը:
Բաժանորդագրվեք մեր ալիքին Telegram-ում