Յուլիա Տիմոշենկոն առաջարկել է Դոնեցկում կլոր սեղան կազմակերպել ցուցարարների մասնակցությամբ
12:30, 19 Ապրիլ 2014
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Ուկրաինայի նախագահի թեկնածու, նախկին վարչապետ Յուլիա Տիմոշենկոն առաջարկել է հաջորդ շաբաթվա ընթացքում Դոնեցկում կլոր սեղանի շուրջ քննարկում անցկացնել ցուցարարների, այլ շրջանների ղեկավարների և բոլոր քաղաքական խմբակցությունների մասնակցությամբ:
Ինչպես հաղորդում է «Արմենպրես»-ը` վկայակոչելով «ՌԻԱ Նովոստի»-ն, Տիմոշենկոն, ով ուրբաթ եղել է Դոնեցկում, հայտարարել է, որ բանակցություններ է վարել ցուցարարների հետ և կարող է վստահեցնել, որ հնարավոր է փոխզիջման հասնել: «Ես նաև առաջարկել եմ Դոնեցկում հաջորդ շաբաթվա ընթացքում մեծ կլոր սեղան կազմակերպել, որին ներկա կլինի գրեթե ողջ Ուկրաինան»,- հայտարարել է Տիմոշենկոն:
Բաժանորդագրվեք մեր ալիքին Telegram-ում